Lied der GOLDEN-GIRLS

Insre Luise, de isch echt auf Zack,

kuane Stolze ohne Schmink und Lack.

Sie werd heit erscht 66 Johr,

dass miar ins frein, sell isch jo ollen klor. REFRAIN!

Refrain: Wenn es a sou a Chefin habs,

nor mocht es nit schlapp,

de holtet enk auf Trab.

Sie isch vo ins dr horte Kern,

miar hobn sie olle gern,

DIE LUISE INSERN STERN!!!

Insre Luise hot an eigenen Verein,

die GOLDEN-GIRLS, 13 Weiber sein iatz drein.

Insre Luise isch dr Präsident

Und hot olls in ihre eignen Händ. REFRAIN!

Insre Luise hot oft Schädl weah,

sie geaht in die Apothek:“Tua miar a TAMTAM her!“

Bei de Treffn do geahts ollm rund

und am nächstn Tog sein miar nit gsund. REFRAIN

Insre Luise isch a hahle Bazill,

hot die Regeln augstellt wia sie will.

Sie sog die Kortn pickn aufnonder drauf.

Miar glabns nit, sell nimp sie a in Kauf. REFRAIN!

Olle drei Wochn schellts Telefon,

es isch die Luise, sell wissmer schon.

„Morgn isch Mittwoch, hosch du wieder Zeit?

Kemmen sollsch, obs regnet odr schneib!“ REFRAIN!

Plarsch, Oschboch, Marling, Algund,

Lana, Töll, Pankraz, des isch die gonze Rund,

do kemmen oll de Weiberleit her,

und brauchn oft an eigenen Schofför. REFRAIN!

Der Gottfried sog: „Des isches leschte Mol,

dass i di houl um Mitternocht ollemol!“

Die Moidl sog: „Nor losches holt sein,

i schlof bei dr Luise, sem isches  a gonz fein!“ REFRAIN!

Hugo, Solo, Uno, MauMau,

Teppnspiel, Funker ,Sitz au,

beim ACTIVITY molmer soviel gern,

wos donn außerkimp, sell isch holt oft zum Plern! REFRAIN!

A Freid hobm miar mit den Verein,

denn do kennen miar ins gebn, wia miar olle sein.

Obr iatz, iatz seimer endlich still,

weil a jeder weiterfeiern will! REFRAIN!